31 მარტს, სტამბოლში მომხდარ დაპირისპირებაში, რომელიც მსხვერპლით დასრულდა, ცნობილი “კანონიერი ქურდი” ჰუსეინ ახმადოვი, იგივე “უსინათლო” ფიგურირებს. სისხლიანი დაპირისპირება ჩეჩნებსა და ქართველებს შორის მოხდა, Kavkaz.Realii–ის თანახმად, კონფლიქტის მიზეზი ფულთან დაკავშირებული დავა იყო.
ირკვევა, რომ “კანონიერმა ქურდმა“ მხარეებს შორის კონფლიქტის მოგვარება ჯერ სატელეფონო საუბრით სცადა, 31 მარტის საღამოს კი პირად შეხვედრაზე, ფინჯან ჩაიზე მიიპატიჟა, თუმცა შეხვედრის დროს დაპირისპირება სროლაში გადაიზარდა, რის შედეგადაც ჩეჩენი აბდულ-მალიკი მოკლეს, მეორე კი – ასევე ჩეჩენი ეროვნების მოქალაქე მძიმედ დაიჭრა.
დაუზუსტებელი ინფორმაციით, სროლის შედეგად დაიჭრა ქართველიც, რომელიც, მოგვიანებით, გარდაიცვალა.
შემთხვევითი ტყვიით მძიმედ დაიჭრა რესტორნის მეპატრონეც.
კომენტარები