აშშ-ის პრეზიდენტმა, ჯო ბაიდენმა განაცხადა, რომ ქვეყანაში კორონავირუსის ახალი ვარიანტები სწრაფად ვრცელდება, ხოლო ახალი შემთხვევების რიცხვი კი კვლავ იზრდება.
აშშ-ის პრეზიდენტმა აღნიშნა, რომ ჯერ არ შეიძლება იმის მტკიცება, რომ პანდემიასთან ბრძოლა დასასრულს უახლოვდება.
„ბევრი კარგი სიახლეა, თუმცა ცუდი სიახლეებიც არის. ვირუსის ახალი სახეობა სწრაფად ვრცელდება, ახალი შემთხვევების რიცხვი კვლავ იზრდება, ხოლო ჰოსპიტალიზაციის მაჩვენებელი არ იკლებს. პირდაპირ ვიტყვი: საფინიშო ხაზზე ჯერ არ ვიმყოფებით“, – განაცხადა ჯო ბაიდენმა.
აშშ-ის პრეზიდენტმა ასევე აღნიშნა, რომ 19 აპრილისთვის ამერიკაში ვაქცინა ყველა ზრდასრულისთვის ხელმისაწვდომი იქნება.
„ეს ნიშნავს, რომ არაუგვიანეს 19 აპრილისა ქვეყნის ნებისმიერ კუთხეში თითოეულ ზრდასრულს ვაქცინაციის გავლა შეეძლება“, – განაცხადა ჯო ბაიდენმა.