ჯანდაცვის მსოფლიო ორგანიზაციის დირექტორი აცხადებს, რომ ბოლო შვიდი კვირაა მსოფლიოში კორონავირუსისახალი შემთხვევების რაოდენობა იზრდება. მისივე თქმით, კოვიდინფიცირებულთარაოდენობა გლობალურად იზრდება მიუხედავად იმისა, რომ ვაქცინა უკვე გაიკეთა 780 მილიონზე მეტმა ადამიანმა.
ტედროს ადანომ გებრეიესუსის თქმით, იანვარსა და თებერვალში ვირუსის შემთხვევების რიცხვი იკლებდა, მაგრამ ახლა მეშვიდე კვირაა შემთხვევათა რიცხვი კვლავ იზრდება და მეოთხე კვირაა ზედიზედ იზრდება გარდაცვლილთა რაოდენობაც. ტედროს ადანომ გებრეიესუსის განცხადებით, მსოფლიოს ქვეყნების ნაწილი კვლავ რთულ მდგომარეობაშია, ამიტომ ვაქცინაციასთან ერთად აუცილებელია საზოგადოებრივი ჯანდაცვის სხვა ზომების შენარჩუნებაც.
„ქაოსი და საზოგადოებრივი ჯანდაცვის ზომების შეუთანხმებლობა იწვევს დაავადების გავრცელებას და ადამიანები კვდებიან“, – განაცხადა ჯანდაცვის მსოფლიო ორგანიზაციის დირექტორმა.
მისივე თქმით, ჯანდაცვის მსოფლიო ორგანიზაციასაც არ სურს, „მუდმივი კარანტინის რეჟიმები, თუმცა პანდემიის დასრულებამდე ჯერ კიდევ შორია“.
„კოვიდ-19“ არ არის გრიპი. სპეციალისტები ჯერ სათანადოდ ვერ ხვდებიან ინფექციის გრძელვადიან შედეგებს. ბევრი ყოფილი პაციენტი იუწყება, რომ მათ აღენიშნებათ სისუსტე, გონების დაკარგვა, უძილობა და დეპრესია“, – განაცხადა გებრეიესუსმა.