აშშ-სა და რუსეთის პრეზიდენტებს ექნებათ საშუალება, შეხვედრა ავსტრიაში გამართონ. შესაბამისი განცხადება, რუსული მედიის კითხვაზე საპასუხოდ ავსტრიის საგარეო საქმეთა სამინისტროს წარმომადგენელმა გააკეთა. მისი განმარტებით, საბოლოო გადაწყვეტილება შეხვედრის ადგილთან დაკავშირებით თავად ლიდერებმა უნდა მიიღონ.
როგორც თეთრ სახლში განაცხადეს, ბაიდენისა და პუტინის მოლაპარაკებები შესაძლოა, ზაფხულში გაიმართოს. თეთრი სახლის პრესსპიკერის თქმით, შეხვედრის გამართვის ადგილთან დაკავშირებით გადაწყვეტილება ჯერ მიღებული არ არის.
შეგახსენებთ, რომ 13 აპრილს აშშ-სა და რუსეთის პრეზიდენტებმა სატელეფონო მოლაპარაკებები გამართეს, სადაც ბაიდენმა ვლადიმირ პუტინს მესამე ქვეყანაში შეხვედრის გამართვა შესთავაზა.
კომენტარები