ესპანეთში დააკავეს მამაკაცი, რომელმაც,სავარაუდოდ, კორონავირუსით 22 ადამიანი დააინფიცირა. როგორც BBC წერს, 40 წლის მამაკაცი ხველისა და ძალიან მაღალი ტემპერატურის მიუხედავად, სამსახურსა და სპორტდარბაზში მაინც დადიოდა.
ინფიცირებული სამსახურში ხველის დროს ნიღაბს იხსნიდა და თანამშრომლებს ეუბნებოდა, რომ მათი დაინფიცირება სურდა.
მამაკაცის 5 თანამშრომელს და სამ ადამიანს სპორტდარბაზიდან კორონავირუსი დაუდასტურდათ. მისი ოჯახის წევრები და უახლოესი ნათესავები – სულ 14 ადამიანი, ასევე, კოვიდდადებითები აღმოჩნდნენ, მათ შორის არის სამი 1 წლის ბავშვი.
კომენტარები