არჩილ თალაკვაძე აქტიურად იყო ჩართული პოლიტიკურ მოლაპარაკებებში, როგორც მხარე, მას შემდეგ, რაც პარლამენტში ვითარება თვისობრივად უნდა შეიცვალოს, რადგან ოპოზიციის დიდი ნაწილი შემოდის, სასურველია, პარლამენტის სპიკერი იყოს ამ პროცესებისგან დისტანცირებული ადამიანი, – ამის შესახებ პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილმა განაცხადა.
მისივე თქმით, არჩილ თალაკვაძე იყო წარმატებული სპიკერი და გუნდის გამორჩეული ლიდერია.
„არჩილ თალაკვაძემ თქვა, რომ აქტიურად იყო ჩართული იმ მძიმე პოლიტიკურ მოლაპარაკებებში, როგორც მხარე. მას შემდეგ, რაც პარლამენტში ვითარება თვისობრივად უნდა შეიცვალოს, რადგან ოპოზიციის დიდი ნაწილი შემოდის, სასურველია, რომ პარლამენტის სპიკერი იყოს ამ პროცესებისგან დისტანცირებული ადამიანი, ვინც უფრო ნეიტრალური პოზიციონერობით იქნება აღქმული ყველას მხრიდან.
არჩილ თალაკვაძე იყო წარმატებული სპიკერი, გუნდის გამორჩეული ლიდერია. მისი საქმიანობა, როგორც გუნდის გამორჩეული ლიდერის, აქტიური იქნება. კახა კუჭავა მაღალი კვალიფიკაციის პოლიტიკოსია, რომელიც წარმატებით გაართმევს თავს ამ მაღალ თანამდებობას“, – განაცხადა ირაკლი ქადაგიშვილმა.