ფეთჰულა გიულენის ორგანიზაციასთან კავშირის ბრალდებით, თურქეთის პროკურატურამ 532 ადამიანის დაკავების ორდერი გასცა. ინფორმაციას ამის შესახებ სააგენტო Anadolu ავრცელებს.
აღსანიშნავია, რომ ეჭვმიტანილებს შორის 459 სამხედროა, მათ შორის, 4 პოლკოვნიკი, ერთი ვიცე-პოლკოვნიკი, 9 მაიორი და 24 კაპიტანი.
სპეცოპერაცია თურქეთის 53 პროვინციაში ჩატარდა. საერთო ჯამში თურქეთის პროკურატურამ 184 პირის დაკავების ორდერი გასცა.
თურქეთის ხელისუფლება ფეთჰულა გიულენს 2016 წელს სამხედრო გადატრიალების მცდელობის ორგანიზებაში ადანაშაულებს. დაპირისპირებას მაშინ 251 ადამიანი ემსხვერპლა, 2 200-მდე კი, დაშავდა. თურქეთის ხელისუფლების მტკიცებით, სახელმწიფო წესრიგის დამხობის მიზნით, გიულენის ორგანიზაცია გრძელვადიან კამპანიას აწარმოებდა. თავად გიულენი სამხედრო გადატრიალების მცდელობასთან ყოველგვარ კავშირს უარყოფს. ის ამ დრომდე აშშ-ში ცხოვრობს.