საპარლამენტო უმრავლესობის წევრი მიხეილ სარჯველაძე „ნაციონალური მოძრაობის“ თავმჯდომარის, ნიკა მელიას დღევანდელ განცხადებასთან დაკავშირებით აღნიშნავს, რომ ამნისტიის გამოცემა შეთანხმების ნაწილია.
სარჯველაძე მიიჩნევს, რომ ამნისტიის საკითხის გათხოვნაზე საუბარი სწორი არ არის.
„არ მგონია, სწორი იყოს, ვინაიდან ამნისტიის გამოცემა ეს არის ერთი დიდი შეთანხმების ნაწილი. არ მგონია, რომ ამ შემთხვევაში ამ მიმართულებით უნდა ვიფიქროთ, მაშინ როდესაც გვაქვს შესასრულებელი ის შეთანხმება, რომელზეც ვსაუბრობთ ახლა. ვერ გეტყვით, რით შეიძლება აიხსნას ახლა მელიას პოზიციის მეტამორფოზა. ეს დიდი ხანია, შეთავაზებულია, გირაო სიახლე არ არის. შეთანხმების შეცვლაზე ამ წუთას საუბარი არ არის, შეთანხმება ითვალისწინებს ამნისტიის გამოცემას“, – აღნიშნა მიხეილ სარჯველაძემ.
კომენტარები