როცა საკითხი ეხება ქვეყნის ღირსებასა და თავმოყვარეობას, ქვეყანას აქვს უფლება ჰქონდეს რეაქცია, გამოხატოს უკმაყოფილება. მინდა ხაზგასმით აღვნიშნო, რომ ჩვენ მიერ გამოხატული უკმაყოფილება არ სცილდებოდა დიპლომატიურ პრაქტიკაში არსებულ სტანდარტს, – ამის შესახებ უკრაინაში საქართველოს ელჩმა, თეიმურაზ შარაშენიძემ განაცხადა.
მისივე თქმით, უკრაინული მხარის მხრიდან ყველაფერი გაგებით იყო აღქმული. როგორც შარაშენიძემ აღნიშნა, ყველა შეხვედრამ ძალიან თბილად ჩაიარა და სრულად არის აღქმული მათი უკმაყოფილება.
„როცა საკითხი ეხება ქვეყნის ღირსებასა და თავმოყვარეობას, ქვეყანას აქვს უფლება ჰქონდეს რეაქცია, გამოხატოს უკმაყოფილება. მინდა ხაზგასმით აღვნიშნო, რომ ჩვენ მიერ გამოხატული უკმაყოფილება არ სცილდებოდა დიპლომატიურ პრაქტიკაში არსებულ სტანდარტს.
აქედან გამომდინარე, უკრაინული მხარე სრული გაგებით შეხვდა ჩვენს ქმედებას და ჩემი ჩამოსვლის შემდეგ, როგორც გითხარით, მქონდა შეხვედრა სამინისტროში. გარდა მინისტრისა, მქონდა კიდევ მინისტრის მოადგილეებთან შეხვედრები.
ყველა შეხვედრამ ჩაიარა ძალიან თბილად, სრულად არის აღქმული ჩვენი უკმაყოფილება და აქედან გამომდინარე, ახალი ტალღა იქნება დღევანდელი ვიზიტი, ახალი იმპულსი, მძლავრი იმპულსი ჩვენს სტრატეგიული თანამშრომლობის საკითხებში“, – განაცხადა შარაშენიძემ.
უკრაინაში საქართველოს ელჩი, თეიმურაზ შარაშენიძე კიევში დაბრუნდა.