„17-18 თებერვალს გახარიამ მოიტყუა. ეს იყო ძალიან მძიმე ტყუილი. სამწუხაროდ, ეს რეჟიმი გრძელდება და ამის ნიშნებს საზოგადოება მომავალში კიდევ უფრო დაინახავს“, – აცხადებს „ქართული ოცნების“ თავმჯდომარე, ირაკლი კობახიძე.
„მან საკუთარ გუნდს ზურგში დანა დაარტყა, რაც, მისი მხრიდან, ძალიან მძიმე ნაბიჯი იყო“, – აცხადებს ირაკლი კობახიძე.
„ქართული ოცნების“ თავმჯდომარეს არ დაუკონკრეტებია, გიორგი გახარიას რომელ განცხადებას გულისხმობდა.
გახარიამ 18 თებერვალს თანამდებობა დატოვა. როგორც მან გამართულ ბრიფინგზე განაცხადა, გადაწყვეტილების მიზეზი ნიკა მელიას საქმეზე აზრთა სხვადასხვაობა იყო იყო.
„ჩემი აბსოლუტურად ურყევი პოზიციაა, რომ ერთი კონკრეტული ადამიანის მიმართ, თუნდაც, კანონიერი მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს ან, საერთოდ, ქვეყანაში ქმნის პოლიტიკური ესკალაციის შესაძლებლობას, არის მიუღებელი… იქიდან გამომდინარე, რომ მე, სამწუხაროდ, ჩემს გუნდთან ერთად ვერ მივაღწიე ერთობლივ აზრს ამ საკითხთან დაკავშირებით, მივიღე გადაწყვეტილება, გადავდგე დაკავებული თანამდებობიდან“, – თქვა გიორგი გახარიამ 18 თებერვალს გამართულ ბრიფინგზე.