თბილისის მერის, კახა კალაძის განცხადებით, ტყუილია, რომ „ქართული ოცნების“ გუნდში დაპირისპირებაა. ამის შესახებ კახა კალაძემ ჟურნალისტების კითხვის საპასუხოდ განაცხადა, რომელიც „ქართულ ოცნებაში“ შესაძლო დაპირისპირებას ეხებოდა.
„ტყუილია, პარტიას ჰყავს თავმჯდომარე ირაკლი კობახიძის სახით. მინდა, ირაკლის წარმატებები ვუსურვო“, – განაცხადა კახა კალაძემ.
ამასთან, თბილისის მერმა პრემიერ-მინისტრ ირაკლი ღარიბაშვილის შესახებაც ისაუბრა და აღნიშნა, რომ მას აქვს ძალიან სერიოზული გეგმები, რომ ქვეყანაში არსებული გამოწვევები მოგვარდეს.
„ირაკლი ღარიბაშვილს რაც შეეხება, არის ქვეყნის პრემიერ-მინისტრი და მას აქვს ძალიან სერიოზული გეგმები, რომ გამოწვევები, რომელიც ქვეყანაში არსებობს პანდემიის სახით, არსებული სოციალურ-ეკონომიკური მდგომარეობით, ყველაფერი იყოს მოწესრიგებული“, – განაცხადა კახა კალაძემ.