“ნამახვანჰესის“ მოწინააღმდეგეები უკვე ღიად აანონსებენ იმას, რომ გავლენ კანონის ფარგლებიდან”

საპარლამენტო უმრავლესობის წევრის, საპროცედურო საკითხთა და წესების კომიტეტის თავმჯდომარის პირველი მოადგილის, გურამ მაჭარაშვილის განცხადებით, „ნამახვანჰესის“ მოწინააღმდეგეები უკვე ღიად აანონსებენ იმას, რომ გავლენ კანონის ფარგლებიდან.

„პროტესტის ორგანიზატორების ნაწილის მიზნები არ ყოფილა გულწრფელად ამ ჰესთან დაკავშირებული. იმის გათვალისწინებით, რომ მათი მოთხოვნები გადაიზარდა ულტიმატუმში, უკანონო აქციების დაანონსებაში, ეს არასერიოზული დამოკიდებულებაა. ისინი უკვე პრაქტიკულად ღიად აანონსებენ იმას, რომ გავლენ კანონის ფარგლებიდან“, – განაცხადა მაჭარაშვილმა.