დეპუტატ დავით ზილფიმიანის თქმით, ადამიანისთვის მთავარი ღირსებაა, ამის შესახებ მან დღეს პარლამენტში სიტყვით გამოსვლისას ისაუბრა.
“სამართლიანობა ვერ დადგა ბევრი ჩვენი თანამოქალაქისთვის. უსამართლობა პირდაპირ კავშირშია ღირსებასთან.
გუშინწინ 9 წელი შესრულდა, რაც მთელმა საქართველომ პირდაპირ ეთერში იხილა ტელეკომპანია „სტერეოს“ დარბევა. ბევრს ჰგონია ეს საკითხი გადაწყვეტილია, მაგრამ არა.
საქმის 16 ტომი ყოფილა, მაგრამ სასამართლომდეც კი ვერ მივიდა. თუმცა პროკურორმა მაშინდელმა მაია მწარიაშვილმა ეს საქმე გამოიძია და მზად იყო სასამართლოში წასრადგენად.
რადგან ამ საქმეში ფიგურირებს ადეიშვილი და ბეჟუაშვილი, პარლამენტის ტრიბუნიდან ვუთხარი პროკურატურას, მტკიცებულებების ტვირთი თქვენზე გადმოდის და ეს საქმე გამოიძიეთ-მეთქი, მაგრამ რა? ერთ წელიწადში უკვე ათი წელი გახდება და ეს საქმეც ჩამოიწერება.
ვისაც ვკითხე, ყველა მეუბნება, ჩემი საქმე ეს არ არისო. ამდენი კომიტეტი და ფრაქცია გვაქვს და მოვიწვიოთ შესაბამისი უწყებები და დავუსვათ შეკიტხვები.
თქვენი კოლეგა ვარ, რომელიც სიმართლეს გეუბნებათ, ბევრ თქვენგანს ახსოვს რომ ეს ასე იყო. 9 წელია ხმა არ ისმის და კითხვები არ გიჩნდებათ?”-განაცხადა დეპუტატმა.