ფონდ „ქართუს“ მიერ ხდება ყოფილი იპოდრომის ტერიტორიის სრული განახლება და მოწესრიგება, სადაც ძალიან დიდ ტერიტორიაზე გვექნება ცენტრალური პარკი, – ამის შესახებ დედაქალაქის მერმა, კახა კალაძემ თბილისის გარემოს დაცვის პოლიტიკის წარდგენისას განაცხადა.
მისი თქმით, თბილისის ცენტრალურ პარკში იქნება ყველანაირი სივრცე და შესაძლებლობა იმისა, რომ ყველა თაობის ადამიანმა დაისვენოს.
„თბილისის ცენტრალურ პარკში იქნება ყველანაირი სივრცე და შესაძლებლობა იმისა, რომ ყველა თაობის ადამიანმა დაისვენოს, განიტვირთოს, ივარჯიშოს და ისეირნოს. ყველანაირი ინფრასტრუქტურა იქნება ამ თვალსაზრისით მოწესრიგებული. კიდევ ერთხელ მინდა, დიდი მადლობა გადაუხადო ბიძინა ივანიშვილის ოჯახს ამ საჩუქრისთვის, რომელიც მან ქალაქს გაუკეთა. მომდევნო ორი წლის განმავლობაში ეს პროექტი დასრულდება, რაც ძალიან მნიშვნელოვანია“, – განაცხადა კახა კალაძემ.