საქართველოში ოფიციალური ვიზიტით მყოფი ლიეტუვის პრეზიდენტი დღეს ოფიციალურ შეხვედრებს იწყებს. დღის წესრიგის მიხედვით, გიტანას ნაუსედა ლიეტუვის პირველ ლედისთან ერთად, დილიდან ქართველ კოლეგას პირისპირ შეხვდება, რის შემდეგაც შეხვედრა გაფართოებული შემადგენლობითაც გაიმართება. გაკეთდება ორი ქვეყნის პრეზიდენტების ერთობლივი განცხადებებიც.
ლიეტუვის პრეზიდენტი აუდიენციას გამართავს პრემიერთან და პარლამენტის თავმჯდომარესთან. დაგეგმილია სტუმრობა საპატრიარქოში ილია მეორესთან.
ასევე ვიზიტის ფარგლებში ლიეტუვის პრეზიდენტი საქართველოს ერთიანობისათვის დაღუპულ გმირთა მემორიალს გვირგვინით შეამკობს. ოფიციალურ შეხვედრებამდე კი, ნაუსედა საოკუპაციო ხაზთან იმყოფებოდა.
კომენტარები