პარლამენტში საქართველოს შესახებ საერთაშორისო გამოხმაურებებს აფასებენ. „ქართული ოცნების“ დეპუტატები აღნიშნავენ, რომ იმ რეფორმებზე მუშაობა, რომლებიც საქართველოს ევროკავშირში გაერთიანებისა და ნატოში გაწევრიანების მიზნით დავალებად აქვს მიცემული, უახლოეს პერიოდში გამოიღებს შედეგს.
„რუსეთის ქმედებების უარყოფითი, ნეგატიური შეფასება არის ძალზედ მნიშვნელოვანი. ეს შეიძლება აღმოჩნდეს მძლავრი ბერკეტი რუსეთის წინააღმდეგ იმისთვის, რომ ის იძულებული გახდეს ერთ მშვენიერ დღეს,(და სასურველია, რომ ეს მშვენიერი დღე რაც შეიძლება სწრაფად დადგეს), რომ რეალურად შეწყვიტოს საქართველოს ტერიტორიის ოკუპაცია, ისევე როგორც სხვა ოკუპირებული ტერიტორიებისა და შესაბამისად, დამოუკიდებელი სახელმწიფოების სუვერენიტეტის ხელყოფაზე ხელი აიღოს“, – განაცხადა სარჯველაძემ.
კომენტარები