“ნაციონალური მოძრაობის” თავმჯდომარემ, ნიკა მელიამ, საქართველოში დაბრუნების შესახებ მიხეილ სააკაშვილის საჯარო განცხადებებზე ისაუბრა და განაცხადა”
“მიხეილ სააკაშვილის საქართველოში ჩამოსვლა-არჩამოსვლა, თავიდან ბოლომდე დამოკიდებულია თავად მიხეილ სააკაშვილზე. მანამ, სანამ ბიძინა ივანიშვილია მართვის სადავეებთან, პროვოკაციის მოწყობის შესაძლებლობა მას არ უნდა მიეცეს. მიხეილ სააკაშვილის საქართველოში ჩამოსვლის შესაძლებლობას მე ვხედავ მას შემდეგ, როდესაც ბიძინა ივანიშვილის ხელისუფლება დამარცხდება. […]
არ მგონია, რომ მიხეილ სააკაშვილი ამიერიდან იტყვის ჩამოვალ და არ ჩამოვა, თუ იტყვის, რა თქმა უნდა, უნდა ჩამოვიდეს, თუ იტყვის, არ ჩამოვდივარ ამჯერად, გითხარით, რა პრობლემებს ვხედავ იმ შემთხვევაში, თუ მიხეილ სააკაშვილი საქართველოში ჩამოსვლას დააპირებს. ძალიან საფრთხილო საკითხია, რომ პროვოკაციაზე არ წამოგვაგოს ივანიშვილმა.
ვინმე განიცდის თუ არა იმედგაცრუებას, ყველას სახელით ვერ ვისაუბრებ, ვიღაც განიცდის, ვიღაც – არა. ბრძოლა მოსაგებია ქვეყნის შიგნით. სხვისი ხელით ნარის გლეჯვას ბევრი, მათ შორის, ჩვენი პარტიის მხარდამჭერი უნდა შეეშვას” , – განაცხადა მელიამ “ამერიკის ხმასთან”.