მამუკა ხაზარაძეს წარმოდგენა არ აქვს საპარლამენტო მანდატზე, საპარლამენტო სუვერენიტეტსა და თავისუფალ მანდატზე, – ასე გამოეხმაურა პარლამენტის პლენარულ სხდომაზე მამუკა ხაზარაძეს, იურიდიულ საკითხთა კომიტეტის თავმჯდომარე ანრი ოხანაშვილი.
„როდესაც ადამიანები, კოლეგებთან ულტიმატუმით საუბრობენ, რომ თავიანთ საპარლამენტო უფლებამოსილებას არ განახორციელებენ, რბილად რომ ვთქვათ, ძალიან არასწორია. კოლეგებო, ვინც ამ განცხადებას იზიარებთ, საერთოდ არ გესმით, რას ნიშნავს საპარლამენტო სუვერენიტეტი და პარლამენტის წევრის თავისუფალი მანდატი. პარლამენტის წევრს აქვს უფლებამოსილება და ვალდებულება ხალხის ნება განახორციელოს“, – განაცხადა ოხანაშვილმა.
იურიდიული კომიტეტის თავმჯდომარის განცხადებით, უზენაესი სასამართლოს მოსამართლეთა არჩევის პროცედურა არის გამჭვირვალე და კომიტეტის სხდომებზე ყველას ექნება კანდიდატებთან გასაუბრების შესაძლებლობა.