ირაკლი ღარიბაშვილის მიერ წარდგენილ ანგარიშში არსებული მდგომარეობის სიღრმისეული ანალიზია, – ამის შესახებ საპარლამენტო უმრავლესობის წარმომადგენელმა მიხეილ სარჯველაძემ „ქრონიკას“ საქართველოს პრემიერ-მინისტრის ირაკლი ღარიბაშვილის მიერ პარლამენტში წარდგენილი ანგარიშის შეფასებისას განუცხადა.
„პრემიერ-მინისტრის ანგარიშში ჩანს ხედვა, არ დარჩა სფერო, რომელსაც ეს ანგარიში არ შეეხო. ეს დასაფასებელია, რადგან ანგარიში მაღალ დონეზეა შესრულებული. პროცედურულად ასეა, რომ ანგარიშის წარდგენის შემდეგ, დეპუტატებმა კითხვები უნდა დასვან. ამ კითხვებში დაიწყო პოპულიზმისა და დისკრედიტაციის უზარმაზარი ტალღა… ორკესტრირებულადყველა ერთსა და იგივეს იმეორებდა. ეს იყო წინასწარ მომზადებული, ისე რომ არც დოკუმენტი წაუკითხავს ვინმეს და მოსმენამდე ჩამოყალიბებული წინასწარი წინადადებებით წარდგნენ საზოგადოების წინაშე ოპოზიციონერები, თორემ ყველაფერი შეიძლება თქვა ამ ანგარიშზე, მაგრამ იმის თქმა, რასაც ყველა ერთბაშად გაიძახოდა ორკესტრირებულად, რომ პრობლემებს არ აშუქებს და იდეალურ საქართველოში ვცხოვრობთ, ოპონენტებს ამის საფუძველი არ ჰქონიათ“, – განაცხადა სარჯველაძემ.