რუსთაველის თეატრის დასმა, რომელიც ცოტა ხნის წინ მოსკოვში ჩეხოვის სახელობის საერთაშორისო თეატრალურ ფესტივალზე გაემგზავრა, აუდიტორიას 30 ივნისს სპექტაკლი „თამაშის დასასრული“ წარუდგინა.
აღნიშნულ ინფორმაციას რუსთაველის თეატრი სოციალურ გვერდზე ავრცელებს.
ინფორმაციისთვის, რობერტ სტურუამ საზოგადოების არაერთგვაროვანი აზრის მიუხედავად მიიღო რუსეთში გამგზავრების გადაწყვეტილება და მისი თქმით, ეს ქართული დასისთვის ძალიან მნიშვნელოვანი იყო. „შეგვიძლია, მოსკოველ მაყურებელს ჩვენი ერთ-ერთი ბოლო სპექტაკლი ვაჩვენოთ. არაჩვეულებრივი პიესაა, არაჩვეულებრივი ავტორი და ვფიქრობ, მსახიობებიც არ ითამაშებენ ცუდად“- განაცხადა რობერტ სტურუამ.
კომენტარები