ვაშლოვანის დაცულ ტერიტორიაზე ხანძარია. საგანგებო სიტუაციების მართვის სამსახურში აცხადებენ, რომ შემთხვევის ადგილზე უკვე იმყოფებიან მეხანძრე-მაშველები. ცოტა ხანში ხანძარსაწინააღმდეგო სამუშაოში ჩაერთვება სასაზღვრო პოლიციის ორი ვერტმფრენიც.
იქ, სადაც, რამდენიმე დღის წინ, ხანძრის ლიკვიდაცია შეძლეს, მესაზღვრეებმა დაკვამლიანება დაახლოებით ორი საათის წინ ისევ შენიშნეს და შესაბამის სამსახურს შეატყობინეს.
ცეცხლის ჩასაქრობად, ადგილზე, სახანძრო- სამაშველო ეკიპაჟებთან ერთად, ვაშლოვანის დაცული ტერიტორიების რეინჯერთა ჯგუფიც იმყოფება.
ვაშლოვანის დაცულ ტერიტორიაზე ხანძარი მიუვალ ადგილზე სამი დღის წინ გაჩნდა. რთული რელიეფის გამო, ცეცხლი ცოცხალი ძალით ჩააქრეს. დაიწვა დაახლოებით 7 ჰექტარი.
კომენტარები