“ახალგაზრდა კაცი ჯერ დაკრძალული არ არის და ვხედავთ ოპოზიციის ერთი ნაწილის აღტკინებას, რომ ეს საკითხი პოლიტიკური ქულებისთვის გამოიყენონ”

პარტია „მოქალაქეების“ ლიდერის, ალეკო ელისაშვილის თქმით, გარდაცვლილი ოპერატორი ჯერ დაკრძალული არ არის და ვხედავთ ოპოზიციის ერთი ნაწილის აღტკინებას, რომ ეს საკითხი როგორმე თავისი პოლიტიკური ქულებისთვის გამოიყენონ.

მისი თქმით, შს სამინისტრომ ერთ დღეში გააშანშალა ექსპერტიზის დასკვნა, რომ ლექსო ლაშქარავა ზედოზირებით არის გარდაცვლილი.

„ახალგაზრდა, 30 წლის კაცი ჯერ დაკრძალული არ არის და ერთი მხრივ ვხედავთ ოპოზიციის ერთი ნაწილის აღტკინებას, რომ იქნებ როგორმე ეს საკითხი გამოიყენონ რაღაცისთვის, თავისი პოლიტიკური ქულებისთვის. არანაკლებ გულისამრევია, რასაც აკეთებს შინაგან საქმეთა სამინისტრო. ერთ დღეში გააშანშალეს ექსპერტიზის დასკვნა, რომ ზედოზირებით არის გარდაცვლილი“, – განაცხადა ალეკო ელისაშვილმა.