ციციშვილის სახელობის ბავშვთა ახალი კლინიკის რეანიმაციულ განყოფილებაში მოთავსებული 19 პაციენტიდან, სამის მდგომარეობა განსაკუთრებით მძიმეა.
ციციშვილის სახელობის ბავშვთა ახლი კლინიკის კლინიკური დირექტორის, მაია ჩხაიძის განცხადებით, ამ დროისთვის საავადმყოფოში სულ კოვიდინფიცირებული 18 წლამდე ასაკის 70-მდე მოზარდი იმყოფება.
„მომართვიანობა ნამდვილად გაზრდილია მას შემდეგ, რაც ქვეყანაში ინდური შტამის ცირკულირება დაიწყო. ინდური შტამი იმით განსხვავდება სხვა შტამებისგან, რომ ბევრად უფრო კონტაგიოზური ანუ 2-2,5-ჯერ უფრო მეტად გადამდებია. განსაკუთრებით, ჩვილებისა და ბავშვების ავადობაა დიდი რაოდენობით. რეანიმაციაში მიწევს 19 პაციენტი, მათგან სამი ჩვილი მძიმე მდგომარეობაშია და მართვით სუნთქვაზე იმყოფება. ერთ-ერთის მდგომარეობა, რომელიც თავიდანვე ფილტვის დაზიანებით შემოვიდა, განსაკუთრებით მძიმეა. იმყოფება მაღალი სიხშირის მართვაზე. დანარჩენი ორის მდგომარეობაც მძიმეა, ტუმცა მცირედით დადებითი დინამიკა შეინიშნება“, – განაცხადა კლინიკურმა დირექტორმა მაია ჩხაიძემ.