იმედი მაქვს, რომ მომავალი არჩევნების შემდეგ მაინც დაინახავს პოლიტიკური სპექტრი რა სურს ჩვენს ამომრჩეველსა და საზოგადოებას, – ამის შესახებ პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილმა „ქრონიკაში“ განაცხადა.
„იქნებ საბოლოოდ მიხვდნენ, რომ დესტრუქციულ დღის წესრიგს თავი დაანებონ და რეალურ კონსესუსზე იფიქრონ. როდესაც მეორე მხრიდანაც რეალური კონსესუსი მოდის, მაშინ ხელისუფლებაც იძულებული ხდება, რომ კონსესუსზე წავიდეს. ხოლო, როცა მეორე მხრიდან დაპირისპირების და დესტრუქციული დღის წესრიგის გაღრმავების მცდელობა არის, ასეთ შემთხვევაში ხელისუფლებასაც უქრება ყოველგვარი სურვილი, რომ გახდეს კონსესუსის მონაწილე“, – განაცხადა ირაკლი ქადაგიშვილმა.
მისი თქმით, ოპოზიციის ჩართულობა პროცესში არის მინიმალური.
„გიორგი ვაშაძე აცხადებს „გაყალბების მანქანას“ და ეს „გაყალბების მანქანა“ რომ თავიდან ბოლომდე ტყუილი აღმოჩნდა, ამის საწინააღმდეგო ვერცერთი არგუმენტი მათ ვერ წარმოადგინეს. არჩევნების შედეგების შემსწავლელი დროებითი საგამოძიებო კომისია შეიქმნა, სადაც მონაწილეობა არ მიიღეს. ახლოსაც არ გაეკარნენ ამ კომისიას, რადგან ზოგადი განცხადებების გარდა მათ კონკრეტიკა არ აქვთ. ის ტყუილზე დამყარებული რომელიც ერთ-ერთმა არასამთავრობო ორგანიზაციამ გაავრცელა და ეს გახადეს თავიანთ მთავარ იარაღად, აღმოჩნდა რომ აბსოლუტური ტყუილი ყოფილა“, – განაცხადა ირაკლი ქადაგიშვილმა.