ბოლო 6 თვის მანძილზე ნაძალადევის რაიონში არაერთი პროექტი განხორციელდა, ინფორმაცია ამის თაობაზე გამგეობის პრესსამსახურმა გაავრცელა.
2021 წლის 6 თვის განმავლობაში ნაძალადევის რაიონში:
საგზაო ინფრასტრუქტურა 24 605 კვ.მ ფართობზე მოწესრიგდა. საგზაო სამუშაოები 43 მისამართზე შესრულდა;
5 საყრდენი კედელი მოეწყო;
2 სკვერი რეაბილიტირდა, სადაც გამწვანების სამუშაოები შესრულდა;
2 სკვერში 1 036 ხე-მცენარე, კიდევ 7 მისამართზე 166 ნერგი დაირგო;
4 სპორტული მოედანი სრულად რეაბილიტირდა, ასევე, კიდევ 7 მოედანზე დაზიანებული ინფრასტრუქტურა შეკეთდა;
10 ფიტნეს ზონა მოეწყო;
14 მისამართზე სხვადასხვა ტიპის კეთილმოწყობის სამუშაოები შესრულდა;
23 ლიფტი რეაბილიტირდა;
24 მისამართზე კორპუსის მიწისქვეშა კომუნიკაციები შეიცვალა;
18 საცხოვრებელ კორპუსში სახურავი რეაბილიტირდა;
ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, სულ 86 ინფრასტრუქტურული პროექტი განხორციელდა;
2021 წლის 6 თვის განმავლობაში ნაძალადევის რაიონის გამგეობის მიერ განხორციელებული პროექტებისა და პროგრამებისთვის ჯამში, 9 522 607 ლარი დაიხარჯა.