თუკი არ არის სურვილი შეთანხმების მეორე მხრიდან და იყენებენ ამ შეთანხმებას ორ ფრონტზე ბრძოლისთვის. „ნაციონალური მოძრაობა“ არ არის ხელშეკრულების ნაწილი, მაგრამ შემოშვებული ჰყავს „ლელო“, როგორც მისის ერთ-ერთი ფლანგი. საარჩევნო კოდექსზე მუშაობის დროს ვატყობდით, რომ „ლელოს“ ფუნქცია იყო ჩაშლა. შემოაგდებდნენ საკითხებს, რომლებზეც ვერ მოხდებოდა შეთანხმება და საბოლოო ჯამში, ამიტომაც ჩაეხსნენ პროცესს და არ მისცეს ხმა, – ამის შესახებ „იმედის ფაქტორში“ საპარლამენტო უმრავლესობის წევრმა და პარლამენტის განათლების კომიტეტის ხელმძღვანელმა შალვა პაპუაშვილმა განაცხადა.
„უკვე ხილულია, რომ „ლელო“ არის „ნაციონალური მოძრაობის“ ერთ-ერთი ფლანგი. ანუ, არიან პარტიები რომლებიც ორ ფრონტზე იბრძვიან. არის „ნაციონალური მოძრაობა“, რომელიც დემონსტრაციულად ეწინააღმდეგება ყოველგვარ დეპოლარიზაციას და არიან პარტიები, რომლებიც ცდილობენ იყვნენ კონსტრუქციულ რეჟიმში. ჩვენი მოსახლეობა ელის არა ამ მუდმივ აურზაურს, რომელსაც აწყობს ჩვენი ოპონენტების ნაწილი, არამედ ელის რომ პარლამენტი თავისი პასუხისმგებლობით მოქმედებდეს და იღებდეს ხალხისთვის საჭირო გადაწყვეტილებებს. რამდენიმე პატარა პარტიასთან არის კონსტრუქციული თანამშრომლობა და ვფიქრობ, რომ ესეც დიდი გამოცდილება ქართული დემოკრატიისთვის. ჩვენი სიძლიერე არის სიმართლე და გულწრფელობა. ჩვენ ვართ მართლები ამ საკითხში, ჩვენ ვართ გულწრფელები ჩვენი საზოგადოების, ჩვენი ოპონენტების მიმართ. სწორედ ამიტომ „ქართული ოცნება“ გამოდის გამარჯვებული ყველა ასეთი ბუნდოვანი სიტუაციებიდან, რომელთა შექმნასაც ჩვენი ოპონენტები ცდილობენ“, – განაცხადა შალვა პაპუაშვილი.