თბილისის ოპერისა და ბალეტის თეატრს ახალი სამხატვრო ხელმძღვანელი ყავს. კულტურის სამინისტროსთან არსებულმა საბჭომ გადაწყვეტილება დღეს მიიღო. 7 ხმა შეხვდა მოსკოვის დიდი თეატრის სოლისტს, ტენორს ბადრი მაისურაძეს, 2 ხმა კი კიდევ ერთ კანდიდატს, ბადრი ბაგრატიონ-გრუზინსკის.
“ბატონი ბადრი თბილისში არ იმყოფება. მას შევატყობინებთ კომისიის გადაწყვეტილება და არჩევნების შედეგებს. ბუნებრივია, გარკვეული დრო სჭირდება პროცედურულ საკითხებს. დანიშვნის ბრძანების მომზადება და ა.შ. ვფიქრობ, დისტანციური მართვა ადეკვატური ვერ იქნება ამ შემთხვევაში და ბატონმა ბადრიმ უნდა მიიღოს ის გადაწყვეტილება, რომ გადმოვიდეს თბილისში და უხელმძღვენელოს თბილისის ოპერისა და ბალეტის თეატრს”,– განაცხადა კულტურის მინისტრმა მიხეილ გიორგაძემ.
კომენტარები