„ქრონიკას“ დაუკავშირდა იმ ავტომობილის მძღოლი, რომლის შესახებაც ქართული მედიის ნაწილი სავარაუდოდ ყალბ ინფორმაციას ავრცელებს. მათი ინფორმაციით, თბილისში რუსული ძალოვანი უწყების მაღალჩინოსანი „სახელმწიფო შავი ნომრებით“ გადაადგილდება.
გრიგორი აქსელიანი „ქრონიკასთან“ აცხადებს, რომ მას არასოდეს უმუშავია რუსეთის არცერთ უწყებაში და მისი სანომრე ნიშნების ფერი მხოლოდ მანქანის დიზაინს უკავშირდება.
„მეგობარმა ჩამიგდო ჩემი მანქანის ფოტო, სადაც ეწერა, რომ თითქოს რუსეთის ძალოვანი უწყების თანამშრომელი ვარ და ქართველი სამართალდამცველები ამაზე არ რეაგირებდნენ. ეს არის ტყუილი და მიზანმიმართული შავი პიარი. არასოდეს მიმუშავია რუსეთის არცერთ უწყებაში, ჯარშიც კი არ მიმსახურია. აქ დასასვენებლად ჩამოვედი, შემდეგ კი ტრანზიტით სხვა ქვეყანაში ვაპირებ სამოგზაუროდ წასვლას. ადვოკატთან ერთად აუცილებლად მოვითხოვ პასუხს ამ ცილისწამებაზე“, – ამბობს გრიგორი აქსელიანი.