შინაგან საქმეთა სამინისტროს სხვადასხვა დანაყოფის თანამშრომლების COVID-19-ის საწინააღმდეგო მასობრივი ვაქცინაცია აქტიურად მიმდინარეობს, – ამის შესახებ ინფორმაციას სამინისტრო ავრცელებს.
მათი ინფორმაციით, შსს-ს საპატრულო პოლიციის დეპარტამენტის, მომსახურების სააგენტოს, განსაკუთრებულ დავალებათა დეპარტამენტის, მართლწესრიგის ოფიცრებს ვაქცინაცია ჩაუტარდათ. ვაქცინაციას შინაგან საქმეთა სამინისტროს ჯანდაცვის სამსახურსა და სისტემაში დასაქმებული ექიმები ახორციელებენ.
კაბინეტები აღჭურვილია შესაბამისი სამედიცინო საშუალებებით, რაც სრულად უზრუნველყოფს ვაქცინაციისა და მისი შემდგომი პერიოდის მეთვალყურეობის უსაფრთხო გარემოში ჩატარებას. შინაგან საქმეთა სამინისტროს თანამშრომლებს შეუძლიათ კვირის ნებისმიერ დღეს, წინასწარი რეგისტრაციის გარეშე აიცრან, როგორც „სინოფარმის“ „სინოვაკის“, ასევე, „სინოფარმის“ ვაქცინით.
შინაგან საქმეთა სამინისტროს თანამშრომლების COVID-19-ის საწინააღმდეგო მასობრივი ვაქცინაცია მთელი ქვეყნის მასშტაბით მიმდინარეობს.
ამ ეტაპზე, სამინისტროს 18 ათასზე მეტი თანამშრომელია ვაქცინირებული.