მე ახლაც მაქვს შანსი შევიდე პარლამენტში,”– ამის შესახებ ,,ნაციონალური მოძრაობის” წევრმა მიხეილ მაჭავარიანმა, ,,პალიტრანიუსის” გადაცემაში ,,360 გრადუსი” განაცხადა. მისი თქმით, პოლიტიკიდან წასვლის გადაწყვეტილება დღეს არ მიუღია.
ჯერ კიდევ მოქმედი დეპუტატი აცხადებს, რომ ,,ნაციონალური მოძრაობის” ახალი სახეები მასზე უკეთ პასუხობენ არსებულ გამოწვევებს.
“იმედი მქონდა, რომ პარლამენტში შევიდოდნენ პროდასავლური პარტიები, ალასანია, ბურჭულაძე და ვფიქრობდი უკეთესი შანსი გვქონდა გვესაუბრა ძლიერ კოალიციურ ხელისუფლებაზე. მე ახლაც მაქვს შანსი შევიდე პარლამენტში, თუ გაიმარჯვებს გიგი წერეთელი და კიდევ რამდენიმე კანდიდატი, მაგრამ ეს გადაწყვეტილება უკვე მქონდა მიღებული. მე არ ვაპირებდი ამ კონფიგურაციის პარლამენტში შესვლას. ჩემი მეგობრები, რომლებიც პარლამენტრში შედიან, ,,ახალი სახეები” პარტია ,,ნაციონალური მოძრაობის”, ბევრად უფრო პასუხობენ იმ გამოწვევას, ვიდრე მე”, – აღნიშნა მიხეილ მაჭავარიანმა.