არცერთი ქართველისთვის მისაღები არ არის ის განცხადება, რომ ომი საქართველომ დაიწყო, ომი რუსეთმა დაიწყო და რუსეთის დიდი ხნის მეცადინეობის შედეგი იყო ის, რაც საქართველოში 2008 წლის აგვისტოს მოხდა, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ „ქრონიკას“ განუცხადა.
მისი თქმით, ის რეზოლუცია (ევროსაბჭოს რეზოლუცია), რომელსაც მათ ხელი მოაწერეს ცალსახად იყო შეცდომა.
„რეზოლუციაში წერია, რომ 8 აგვისტოს იყო, თუმცა ჩვენ ძალიან კარგად ვიცით, რომ 7 აგვისტოს შემოდიოდა რუსული ნაწილები საქართველოში, შესაბამისად ეს ომის ცხელი ფაზა სწორედ 7 აგვისტოს შეიძლება ითქვას რომ დაიწყო. თუმცა, როგორც ზემოთ აღვნიშნე, ცხელი ფაზა მანამდე დღეებში მიმდინარეობდა“, – განაცხადა ნიკოლოზ სამხარაძემ.
კომენტარები