პორტალი provax.ge საქართველოში კოვიდვაქცინით აცრილ პირებში ჩატარებული კვლევის შედეგებს აქვეყნებს. პორტალის ცნობით, კვლევა ადასტურებს, რომ ვაქცინაცია ამცირებს დაინფიცირების, ჰოსპიტალიზაციისა და სიცოცხლისათვის საშიში გართულებების რისკს.
ქვეყნის მასშტაბით სრულად ვაქცინირებულ 106 084 პირთაგან მხოლოდ 207 (0.19%) დაინფიცირდა კორონავირუსით. ინფიცირებულთა უმეტესობაში დაავადება უსიმპტომოდ ან მსუბუქი სიმპტომებით მიმდინარეობდა. 207 ინფიცირებულ პირთაგან მხოლოდ რვას (4%) დასჭირდა ჰოსპიტალიზაცია.
10 აგვისტოს მონაცემებით, საქართველოში, ჯამურად, 664 997 აცრა ჩატარდა. სრულად ვაქცინირებულია 204 234, ერთი დოზით კი 460 763 ადამიანი, – ინფორმაციას დაავადებათა კონტროლისა და პრევენციის ცენტრი ავრცელებს.
კომენტარები