სასამართლო-სამედიცინო ექსპერტის, ექიმ მაია ნიკოლეიშვილის პოსტი სოციალურ ქსელში, რომელიც საქართველოში კორონავირუსით ინფიცირების მკვეთრ მატებას და დაავადების მართვის მეთოდებს ეხება.
“ამ ტიალი “მაოხრებელი გზირის” და მისი შავი “კამანდის” გამო რაღაც საკითხებში “პირში წყალს ვიგუბებ” მაგრამ!
შარშან ამ დროს სულ სხვა სიტუაცია იყო. სრულიად განსხვავებული მართვა და მსოფლიოს არ ჰქონდა მკურნალობის გამოცდილება. (სრულიად შეგნებულად არ ვიყენებ სიტყვას “ბრძოლა”; ჩემი აზრით, ავადმყოფობას არ ებრძვიან, ავადმყოფობას მკურნალობენ)
დღეს ყველანაირი ლოგიკა იმსხვრევა, როცა უყურებ თუნდაც მეზობელ ქვეყნებს და სიკვდილობის მაჩვენებელს! რაღაც ძალიან ცუდად არის! მარტო აუცრელობას ნუ დავაბრალებთ. დიახ, ვაქცინაცია, ზოგადად, რიგი დაავადებების პრევენციაში უმნიშვნელოვანესი ფაქტორია, მაგრამ შექმნილ სიტუაციაში არა ერთადერთი! მრავალფაქტორული ანალიზის გარეშე ეს თავის მოტყუებაა.
პანდემიის მართვის პოლიტიკა ძირეულადაა შესაცვლელი, ისევე, როგორც მკურნალობაში არის სხვა ქვეყნების გამოცდილება გასათვალისწინებელი, ამაზე შედეგები მეტყველებს.
დგება მომენტი, როცა დარგის სპეციალისტები და მენეჯერები ამოწურავენ თავის შესაძლებლობებს, უბრალოდ, გააკეთეს, რაც შეეძლოთ და მორჩა! რაღაც სხვაა საჭირო, რაღაც ახალი, ქმედითი!
სამწუხაროდ, დაუცველობის გრძნობა ღვივდება, ცალკე ჩასაფრებული, სიკვდილით მოსპეკულირე ვაი პოლიტიკოსების მიზანმიმართული ხელშეწყობით, და მეორე მხრივ-ობიექტური რეალობაც შემაშფოთებელზე მეტია!
წყალსაც წაუღია ყველა არჩევნები! წყალსაც წაუღია ყველა უმაქნისი პარტია! მთავარი ადამიანია!
P.S. ვეცადე, ეს პოსტი ძაააალიან ზომიერი და თავშეკავებული გამოსულიყო”– წერს მაია ნიკოლეიშვილი.