იმედი მაქვს, მოგვიანებით ამომრჩევლის უფრო მეტი აქტივობა იქნება, – ამის შესახებ „ქართული ოცნების“ ერთ-ერთმა ლიდერმა ეკა ბესელიამ ჟურნალისტებს ბათუმის 1-ელ უბანზე მისვლის შემდეგ განუცხადა.
მის თქმით, არჩევნები მშვიდ ვითარებაში მიმდინარეობს და “ქართული ოცნების” მაჟორიტარების გამარჯვების მოლოდინშია.
“აჭარაში ყველა უბანი გაიხსნა და ყველგან არის სიმშვიდე. გვაქვს ინფორმაცია, რომ ხმის მიცემისთვის და კენჭისყრის პროცედურისთვის ყველა წინაპირობა, რაც არის საჭირო საარჩევნო ადმინისტრაციის მხრიდან, შექმნილია. ჯერჯერობით, ვერ ვხედავ ამ უბანზე მაღალ აქტიურობას, მაგრამ იმედი მაქვს, ცოტა მოგვიანებით, ამომრჩევლის უფრო მეტი აქტივობა იქნება. მაქვს მოლოდინი, რომ აჭარაში ყველა უბანი მზად არის არჩევნების ჩასატარებლად. ველოდებით ყველგან გამარჯვებას, ჩვენმა კანდიდატებმა ძალიან კარგად იმუშავეს მეორე ტურის წინ”, – აღნიშნა ეკა ბესელიამ.