პარტია “ქართული ოცნების“ აღმასრულებელი მდივანი ირაკლი კობახიძე “ნაციონალური მოძრაობის“ მიერ გავრცელებულ ინფორმაციას, რომ “ქართული ოცნება“ საჯარო მოხელეებს მიუთითებს ბიულეტენში არჩევანი განსხვავებული ფორმით მოხაზოს, სიცრუეს უწოდებს.
როგორც კობახიძემ რამდენიმე წუთის წინ გამართულ ბრიფინგზე განაცხადა, ხელისუფლების მხრიდან მსგავს მითითებას ადგილი არ ჰქონია.
„არჩევნები მიმდინარეობს მშვიდ გარემოში, საარჩევნო უბნებზე არ ფიქსირდება მნიშვნელოვანი დარღვევები რაზეც დღეს უკვე გააკეთეს შესაბამისი განცხადებები ადგილობრივმა დამკვირვებლებმა, არასამთავრობო ორგანიზაციება. გვინდა გამოვეხმაუროთ გუშინდელ ინფორმაციას, რომელიც “ნაცმოძრაობის“ მხრიდან გავრცელდა. ამ ინფორმაციაზე დღეს კიდევ ერთხელ გაამახვილეს ყურადღება არასამთავრობო ორგანიზაციებმა, საქმე ეხება ინფორმაციას იმასთან დაკავშირებით, რომ თითქოს ადგილობრივი ხელისუფლების თუ “ქართული ოცნების“ დავალებით საჯარო მოხელეებს ევალებათ ოთხკუთხედი ფორმით ბიულეტენების შემოხაზვა, ეს არის დეზინფორმაცია, ჩვენ ამაზე გუშინაც გავაკეთეთ განცხადება. ჩვენ, რა თქმა უნდა, ვეთანხმებით არასამთავრობო ორგანიზაციების შეფასებებს ამასთან დაკავშირებით, ამგვარი ფაქტი არის კანონის დარღვევა, ასეთი რამ ჩვენი მხრიდან არ მომხდარა“, – განაცხადა ირაკლი კობახიძემ.
ირაკლი კობახიძე – სიცრუეა ის, რომ “ქართულმა ოცნებამ“ საჯარო მოხელეებს არჩევანის განსხვავებული ფორმით მოხაზვა მიუთითა
2016/10/30 12:44:54
ნანახია: 1233 ჯერ