ჟურნალისტი გიორგი უძილაური სოციალურ ქსელში სტატუსს აქვეყნებს:
“შინაგან საქმეთა მაშინდელ მინისტრს კობა ნარჩემაშვილს მახსოვს სულ ვაკრიტიკებდი და რბილად რომ ვთქვათ, მეგობრები არ ვყოფილვართ. დამოკიდებულება შეცვალა 2003 წლის ნოემბრის ერთმა კადრმა. ე.წ.”ვარდების რევოლუციად” წოდებული გადატრიალებისას კობა ნარჩემაშვილი აღმოჩნდა ერთადერთი მინისტრი, რომელიც არ გაიქცა გამარჯვებულ სააკაშვილთან და ბოლომდე დარჩა კაცად. მაშინ მხოლოდ კობა ნარჩემაშვილმა და სულხან მოლაშვილმა შეინარჩუნეს ღირსება და სახე. მაშინ, მახსოვს სტატიაც დავწერე კობაზე, როგორც ფაქტიურად ერთადერთ პრინციპულ პოლიტიკოსზე, რომელიც წინ აღუდგა გადატრიალებას. მოგვიანებით მე და კობა დავმეგობრდით და დღეს ქუთაისში ვარ მის მხარდასაჭერად 
🙂
ვისაც არ ახსოვს, კობა შსს მინისტრი იყო 2001-2003 წლებში. 31 წლის მინისტრს მოუწია შეჯახება პანკისის კრიზისთან(მაშინ მეორე ჩეჩნური ომი მიმდინარეობდა და პანკისში ლტოლვილებთან ერთად ვაჰაბიტებიც იყვნენ შემოსული) და ის კრიზისი ისე დაძლია, რომ საქართველო გადაარჩინა სერიოზულ კონფლიქტს რუსეთთან. მოკლედ იმის თქმა მინდა, რომ კობა არაა მშიშარა, არაა მექრთამე, არაა მედროვე და აქვს პრინციპები, რომლებსაც ბოლომდე იცავს. დანარჩენი ქუთაისის გადასაწყვეტია _ სურს თუ არა ამ ღირებულებების მქონე დეპუტატი პარლამენტში. მე მსურს! იმიტომ, რომ ქართულ პოლიტიკაში პრინციპული ადამიანების მოსვლის დროა”,-წერს უძილაური