ფინანსთა მინისტრმა, ლაშა ხუციშვილმა და მსოფლიო ბანკის რეგიონულმა დირექტორმა სამხრეთ კავკასიაში, სებასტიან მოლინეუსმა დღეს ფინანსთა სამინისტროში გამართულ შეხვედრაზე მსოფლიო ბანკის მხარდაჭერით მიმდინარე პროექტები და სამომავლო თანამშრომლობის საკითხები განიხილეს.
ფინანსთა მინისტრმა სტუმარს ეკონომიკის ზრდის კუთხით ქვეყანაში არსებული პოზიტიური დინამიკა, ასევე მთავრობის ათწლიანი გეგმის ფარგლებში ფინანსთა სამინისტროს მიერ დაგეგმილი რეფორმები გააცნო.
ლაშა ხუციშვილმა მსოფლიო ბანკის რეგიონულ დირექტორს კიდევ ერთხელ გადაუხადა მადლობა იმ მხარდაჭერისთვის, რომელსაც მსოფლიო ბანკი საქართველოს პანდემიის წინააღმდეგ ბრძოლაში უწევს. შეხვედრაზე საუბარი ვაქცინაციას და ამ კუთხით, მოსახლეობის აქტიური ჩართულობის მნიშვნელობასაც შეეხო.
მხარეებმა გამოთქვეს იმედი, რომ გაგრძელდება აქტიური თანამშრომლობა, რათა პოსტპანდემიურ პერიოდში, რაც შეიძლება სწრაფად აღდგეს ქვეყნის ეკონომიკის ყველა სექტორი.