“მძიმე პერიოდია. უნდა გავიაროთ, ხედავთ რომ მთელი მსოფლიო არეულია. ბოლო წლების არეულობამ ნახეთ რა გამოიწვია. ბუნებაც შეიცვალა, კლიმატის ცვლილებებს რასაც ვუწოდებთ. ადამიანებიც როგორ შევიცვალეთ, გადაირია მსოფლიო”, – ამის შესახებ ბოდბელმა მიტროპოლიტმა მეუფე იაკობმა ქადაგებისას განაცხადა.
“დღევანდელ მსოფლიოში ცუდს კარგს ვარქმევთ, ცუდი კარგი გამოდის. სამწუხაროდ ასეა, ერთმანეთს უნდა გავუფრთხილდეთ. მსოფლიო უნდა გაუფრთხილდეს ერთმანეთს.
ვხედავთ, ღვთის დაშვების გარეშე არაფერი არ ხდება. ძალიან აურიეთ ადამიანებმა და მივიღეთ ეს – ბიოლოგიურ ომში ვიმყოფებით თუ ბიოლოგიური იარაღია თუ უბრალოდ ისე ვირუსია, იმდენად არ არის საკითხავი, რომ სამწუხაროდ, კაცობრიობამ ჩვენი საქციელით მივიღეთ რაც მივიღეთ და ბევრი უდანაშაულო ადამიანი, ისინი გარდაიცვლებიან ამ ავადმყოფობით თუ სხვადასხვა რაღაცეებით. ამას ყველა ერთად უნდა ვებრძოლოთ.
ზოგი ამას აცრით ებრძვის, ზოგი იხდის დაავადებას და ჯერ ბოლომდე არც ვიცით რა დავადებაა, ბოლომდე ვერ ჩავწვდით. ძველად თუ იყო დაავადებები, ყვავილზე თუ ვიცრებოდით ან იყო ტუბერკულიოზის აცრები… ერთხელ იცრებოდი და მორჩა. ახლა 2-ჯერ ავიცერით, სადაც დიდი ფული ჰონდათ იქ 2-ჯერ აიცრნენ, სადაც ფული არ აქვთ იქ არც შეუღწევია… მიდის აცრები, ზოგან მე-3, ალბათ ზოგან მეოთხე და მეხუთე გახდება…
ჩვენ იმით უნდა ვეცადოთ რომ, ეს დიდი სუფრები და თავყრილობები არ გვინდა. იქიდან ვრცელდება, ძალიან დიდი ვირუსის გადაცემა ხდება. სულ ისეც ვერ ვიქნებით, რომ ვირტუალურ ცხოვრებას მიგვაჩვიონ კაცობრიობა.
ჩვენ ქართველები ვართ, ალბათ სხვა ერებიც ასე იქნებიან… მოსიყვარულე ერი ვიყავით, ბავშვობიდან მახსოვს როგორი ახლობლოდა და ნათესავობა გვქონდა, როგორი მისვლა-მოსვლა. ახლა სულ გარე-გარეთ გავიდეთ, მე პირადად ასეთი ცხოვრებაც არ მინდა. როგორც ბერი ჩემთვის არაფერი არ შეცვლილა.
სანამ ახლა მიხვდებოდნენ რომ ხელები უნდა დაგვებანა, ბევრმა ვიცოდით ეს საქართველოში – ფეხის დაბანაა ეს თუ პირის დაბანა. უნდა შევეცადოთ, რომ ერთმანეთს გავუფრთხილდეთ.
მინდა სხვა სახით შეგახედოთ ამ პანდემიას. როდესაც პანდემია ხდება ან კლიმატური ცვლილებები ხდება, კაცობრიობა ყოველთვის… კაცობრიობას გადაეცემა ხოლმე, ფაქტობრივად ჩვენს გენებს ახალი შესაძლებლობები ეძლევა, ბუნებრივად ეძლევა ხოლმე, იმ პირობებში არათუ არსებობა შეძლონ, არამედ გამარჯვებული გამოვიდნენ. პროგრესიც დიდია ხოლმე და ბევრი კარგიც ხდება. თუმცა, სამწუხაროდ ეს ცუდი უნდა გავიაროთ ხოლმე, ეს არის მსოფლიო ომები, პანდემია… თუ დააკვირდებით ხოლმე, კაცობრიობა გამარჯვებული გამოდის ხოლმე, ყოველი პანდემიის მერე საზოგადოებაც იზრდება. თუ მანამდე გონებაში რაღაცაზე არ ფიქრობდი, ბევრი ახლა ფიქრობს ისეთზე, რომ კაცობრიობის განვითარებისთვის და თითოეული ადამიანის სიკეთისთვის ძალინ ბევრი რამე ხდება.
ფაქტობრივად, ძველად რომ ჯუნგლებს ვეძახდით ხოლმე – ბრძოლა არსებობისთვის ხდება და ძლიერები გადარჩებიან. ამიტომ, შიში დაივიწყეთ. მაგრამ, დალხენილიც არ ვიყოთ, ფრთხილად ვიყოთ. ეს ყველას უნდა ახსოვდეს. მოვა დრო და კაცობრიობა ამას აღიარებს.
შეხედეთ დღეს რა ხდება მსსოფლიოში?! თუ ადამიანი ჯერ არ დაავადებულხარ(ეს(covid-19) ისეთი დაავადებაა, ადრე თუ გვიან ყველას მოგვიწევს. ეს ხელოვნულარდ მოხდება თუ ვაქცინაციით თუ ბუნებრივად გადაგედება, არ გიშვებენ კინოთეატრში, თეატრალურ წარმოდგენებზე, რესტორანს კიდევ აიტან ადამიანი თუ არ შეგიშვეს… მაინც გჩაგრავენ, იმიტომ რომ ჯანმრთელი ხარ, ჯერჯერობით არ ხარ დაავადებული. ჯანმრთელი რომ ხარ ცუდი ყოფილა.
კაცობრიობამ უნდა იფიქროს, რასაც გვთავაზობენ ყველაფერი მისაღები კი არ არის. კი, გასაგებია, ვისაც უნდა აცრა აიცრება, ვისაც არ უნდა ძალით ხომ ვერ აცრი? ძალადობა ვითომ არ არის, მაგრამ, რეალურად რატომ მიკრძალავ კარგად ყოფნას?!
გავიდა 2-3 წელი და არ დაავადდი, რატომ მიკრძალავ კარგად ყოფნას? ამაზეც დავფიქრდეთ. ერთმანეთს გავუფრთხილდეთ. კეთროვანივით ნუ უყურებენ ჯანმრთელ ადამიანებს.
ახლა თუ ცუდად გახდი, ჩაგკეტავენ სადღაც, კარგად თუ ხარ, დანარჩენი საზოგადოებისთვის, რომელსაც ეშინია არ დაავადდეს, შენ ხარ კეთროვანი.
ფრთხილად ვიყოთ და ძალით არ დაავადდებით. როგორც ტუბერკულიოზს ვერიდებით და სხვა დაავადებებს ვერიდებით…
რაც არის, რომ გვეუბნებიან მანძილი უნდა დავიცვათ, მაინცდამაინც გადაკოცნები არა… დროებით ეს ასატანია და ასე ვიზამთ, მაგრამ, მუდმივად ასე ვერ გავაგრძლებთ ცხოვრებას.
ომშიც არიან გმირები… ნორმალური ადამიანი ტანკს შეუვარდება? მაგრამ, არიან ადამიანები სხვა რომ გადაარჩინოს… ჩვენი ექიმები… მათ რა დააშავეს, რომ ჩავკეტეთ ავადმყოფებთან ერთად და ამ მძიმე რაღაცეებს უყურებენ… ყველა გავუფრთხილდეთ ერთმანეთს.
ნურც ჯანმრთელის შეგვეშინდება და ნურც ავადმყოფის…
ადამიანობა შევინარჩუნოთ! ხომ ხედავთ, რა პატარა ვირუსია და კაცობრიობა შეცვალა.
ალბათ მოვა დრო და ნამდვილი ვაქცინა იქნება, ვისაც იმედი აქვს ის აიცრება, ვისაც არ უნდა იმასაც ვერ დააძალებ”, – განაცხადა ეუფე იაკობის ქადაგებაზე ანაგის ფერიცვალების სახელობის ტაძარში.