პრაიდის ჯანყი, “მიკროფონების” რევოლუცია, “დასუფთავების” პუტჩი – ეს ყველაფერი ნიკა გვარამიას რეჟისურას განეკუთვნება, უნიჭო ლიბრეტოთი, დილეტანტი მსახიობებით და ჩასაშლელად განწირული დადგმით.”– წერს სოციალურ ქსელში დავით ქართველიშვილი და ბოლოდროინდელ მოვლენებს ეხმიანება.
“ერთის მხვრივ – შენში რაღაცნაირ ინტერესსაც იწვევს, რომელ ახალ სიუჟეტს შემოგთავაზებს. აი ცდილობს ერთ დრამატურგიაში მხოლოდ ქალბატონების სეზონური სამოსის გამომშვები ტანსაცმლის ხაზი “ანუკი” – დააკავშიროს დასუფთავების სამსახურის თანამშრომლების უნიფორმების დამზადებასთან. მხოლოდ იმიტომ, რომ ამ ბრენდის უკან კახი კალაძის მეუღლე დგას. მხოლოდ იმიტომ – რომ ასე უნდა ნიკა გვარამიას. და კიდევ იმიტომ – რომ იმდენად ერთუჯრედიანი ამომრჩეველი ყავთ – ყველაფერს “ჭამენ”.
განსხვავებით დასუფთავების სამსახურის თანამშრომლებისაგან, რომლებიც მსგავსი უწმინდურობით არ იკვებებიან, ადვილად ავლენენ საკუთარ რიგებში გვარამიას უნიჭო შემსრულებლებს და როგორც შეშვენის ამ უაღრესად საჭირო და დასაფასებელი პროფესიის წარმომადგენლებს, კაცურად, მედია/საქათმეში დაწერილი ყოველგვარი სცენარების გარეშე – პასუხს აგებინებენ პროვოკატორებს და საკუთარი რიგებიდან მათ განდევნას ითხოვენ. ვნახოთ – რას მოიგონებს ამჯერად გვარამია, მისი სერიალების აღქმის უნარი და პოპკორნის მარაგები გაგვაჩნია.”- წერს დავით ქართველიშვილი.