”დილიდან ვრცელდება ინფორმაციები და არსებობს კონკრეტული ფაქტები, რომ ამომრჩეველთა დიდი ნაწილი მიდის უბნებზე და მარკირება აქვთ უკვე გავლილი. პირველ უბანზე ჩვენს ამომრჩეველს უარი უთხრეს იმის გამო, რომ მარკირება ჰქონდა გავლილი. ჩვენც არ შევუშვით და ვთხოვეთ წარმომადგენლებს, ვინც არ უნდა იყოს, მარკირების ნიშნით არავინ დაუშვან საარჩევნო უბანზე. ასევე ვითხოვთ თავმჯდომარეებისგან, მაქსიმალურ კონტროლს. აღნიშნული ინფორმაცია აქვს ცენტრალურ საარჩევნო კომისიასაც და ვიმედოვნებ, რომ ცესკო მოახდენს დროულ და ადეკვატურ რეაგირებას. ეს პროცესი მთელი დღის განმავლობაში მიმდინარეობს მთელი მთაწმინდის მასშტაბით”, – ამის შესახებ ჟურნალისტებს მთაწმინდის რაიონის დამოუკიდებელი მაჟორიტარობის კანდიდატმა სალომე ზურაბიშვილმა განუცხადა.
კომენტარები