ცესკო-ს შეფასებით, მთაწმინდის ოლქში მარკირებული ამომრჩევლების მასობრივი მისვლა იწვევს ეჭვს და ტოვებს ორგანიზებული მცდელობის შთაბეჭდილებას.
შესაბამისი განცხადება ცესკო-ს სპიკერმა ანა მიქელაძემ საინფორმაციო ბრიფინგზე გააკეთა.
“დღეს საარჩევნო ადმინისტრაციამ გაავრცელა ინფორმაცია მთაწმინდის მაჟორიტარული საარჩევნო ოლქის უბნებზე მარკირებული ამომრჩევლების მასობრივი მისვლის შესახებ. აღნიშნული ერთეული ფაქტები დაფიქსირდა როგორც ისნის, ასევე ფოთისა და ქუთაისის მაჟორიტარულ საარჩევნო უბნებზე. თუმცა, საარჩევნო ადმინისტრაცია აღნიშნავს, რომ მსგავსი მასობრივი ფაქტები, კონკრეტულად კი, საუბარია მთაწმინდის ოლქზე, იწვევს ეჭვს და ტოვებს ორგანიზებული მცდელობის შთაბეჭდილებას. მიუხედავად იმისა, რომ აღნიშნულმა პირებმა განაცხადეს, რომ მათ 8 ოქტომბრის შემდეგ მარკირება ხელზე ჰქონდათ, რა თქმა უნდა, საარჩევნო ადმინისტრაციამ კანონმდებლობის თანახმად, არც ერთ მათგანს ხმის მიცემის შესაძლებლობა არ მისცა“, – აღნიშნა ანა მიქელაძემ