აბაშაში სამძებრო-სამაშველო ოპერაცია მიმდინარეობს. უკვე მეორე დღეა მაშველები მდინარე რიონში 8 წლის დაკარგულ ბიჭს ეძებენ. მოზარდი მდინარეში საბანაოდ თანატოლებთან ერთად გუშინ დღის მეორე ნახევარში შევიდა, რა დროსაც ისინი დინებამ გაიტაცა. 3 მოზარდის გადარჩენა მეთევზეებმა შეძლეს, თუმცა მეოთხე დაკარგულს ამ დრომდე ეძებენ.
საძიებო ღონისძიებებში მყვინთავ-მაშველებთან ერთად ჩართულია სპეციალური ტექნიკაც. მოწყობილია სპეციალური შტაბი და მობილიზებული არიან სამართალდამცავები. ადგილზე იმყოფებიან ასევე დაკარგული მოზარდის ოჯახის წევრები.
შინაგან საქმეთა სამინისტროს ცნობით, მომხდარზე გამოძიება სს კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
კომენტარები