“ნაციონალურ მოძრაობას“ უფრო მეტად გავაშიშვლებთ”

„ჩვენ დავიწყებთ „ნაციონალური მოძრაობის“ გასამართლების პროცესს“ – ამის შესახებ „პატრიოტთა ალიანსის“ საპარლამენტო დეპუტატი ადა მარშანია გაზეთ „ასავალ-დასავალთან“ ინტერვიუში აცხადებს.
როგორც მარშანია აღნიშნავს, მისთვის მიხეილ სააკაშვილი და გიგა ბოკერია, თითქმის ერთი და იგივეა. იგი გიგა ბოკერიას „ნაციონალური მოძრაობის“ ლენინს უწოდებს.
„ნაციონალურ მოძრაობას“ უფრო მეტად გავაშიშვლებთ და მათ ნამდვილ სახეებს მთელ მსოფლიოს დავანახებთ! საკანონმდებლო ორგანოში ამ დამნაშავე პარტიის წარმომადგენლების ყურება მოგვიწევს, მაგრამ გარწმუნებთ, ყველაფერს გავაკეთებთ იმისთვის, რომ ეს მანკიერი პრაქტიკა სამუდამოდ დავამარცხოთ. ჩემთვის სააკაშვილი და ბოკერია ერთი და იგივეა! ეს ბატონი არანაკლებ ბოროტი და დამნაშავეა, უბრალოდ, ყოფილი პრეზიდენტისგან განსხვავებით, ნაკლებად იმპულსური გახლავთ – სააკაშვილივით სისულელეებს არ როშავს და ცივი გონებით მოქმედებს. ბოკერია იყო და არის ნაცმოძრაობის ლენინი! – იმ სააკაშვილის რეჟიმის მთავარი იდეოლოგი, რომელმაც 152 დასახლებული პუნქტი რუსეთის ფედერაციას ჩააბარა. ამას მათ საკანონმდებლო ტრიბუნიდანაც ვეტყვი და იმავდროულად დავიწყებ „ნაციონალური მოძრაობის“, როგორც პოლიტიკური ორგანიზაციის გასამართლების პროცესს! – აცხადებს ადა მარშანია გაზეთ „ასავალ-დასავალთან“ ინტერვიუში.