საქართველოში ამერიკის შეერთებული შტატების ელჩმა იან კელიმ საქართველოში ჩატარებული არჩევნები შეაფასა. იან კელის თქმით, აშშ მზად არის, იმუშაოს ქართული საზოგადოების ყველა სეგმენტთან და პოლიტიკურ სისტემასთან ამ მიზნების მისაღწევად.
„პირველ რიგში მინდა მივულოცო ქართველ ხალხს არჩევნების ორი ტურის წარმატებით დასრულება. ჩვენ სრულად ვეთანხმებით საერთაშორისო დამკვირვებლების განცხადებას, რომ არჩევნები კარგად ორგანიზებული, კონკურენტუნარიანი იყო და ჯამში, ასახავდა ქართველი ხალხის ნებას. ჩემი მოსაზრებით, ეს იყო კიდევ ერთი დემონსტრირება, რომ დემოკრატიული განვითარების კუთხით საქართველო ლიდერია, უზრუნველყოფს, რომ არჩევნები არის კონკურენტუნარიანი, არსებობს აზრთა სხვაობა და ქართველ ამომრჩეველს აქვს შესაძლებლობა გააკეთოს საკუთარი არჩევანი. მნიშვნელოვანია, რომ პარლამენტში მოხვედრილი ყველა ძალა მუშაობდეს საერთო მიზნების მისაღწევად. საერთო მიზნებია დემოკრატიის განვითარება, სამუშაო ადგილების შექმნა, ევროატლანტიკურ სტრუქტურებთან ინტეგრაცია
იმედი გვაქვს, რომ ინციდენტები, რომელსაც ადგილი ჰქონდა, გამოძიებული იქნება სამართლიანად და დაბალანსებულად. “, – განაცხადა იან კელიმ.