გიორგი გახარიასთან შეხვედრა თბილისის მერიაში მოხდა, – ამის შესახებ „ქართული ოცნება – დემოკრატიული საქართველოს“ გენერალურმა მდივანმა, თბილისის მერობის კანდიდატმა, კახა კალაძემ განაცხადა.
მან დაადასტურა გავრცელებულ ინფორმაცია, რომ ის პარტია „საქართველოსთვის“ ლიდერს, მერობის კანდიდატ გიორგი გახარიას შეხვდა.
„შეხვედრა იყო რამდენიმეჯერ, იყო ზარი ჩემს ტელეფონზე და მოითხოვა შეხვედრა ნებისმიერ ადგილზე, სადაც ვეტყოდი. თბილისის მერიაში მოხდა შეხვედრა, თუმცა არაფერი ისეთი, უბრალოდ მითხრა, რომ აპირებდა თავისი კანდიდატურის დაყენებას და ეს რომ არ გამეგო ტელევიზიიდან“, – განაცხადა კახა კალაძემ.
კომენტარები