ძალიან ემოციურია ეს ვიდეო ჩემთვის, რადგან აქ არიან ადამიანები, რომლებთან ერთადაც ძალიან დიდ წარმატებას მივაღწიე სპორტულ კარიერაში. მადლობის მეტი არაფერი მეთქმის, ეს სიურპრიზი იყო ჩემთვის და იმედებს გავუმართლებ მათაც, – ასე შეაფასა თბილისის მერმა, პარტია „ქართული ოცნების“ მერობის კანდიდატმა, კახა კალაძემ იმედის გადაცემაში „პირისპირ“ ცნობილი ფეხბურთელების ვიდეო, რომელშიც ისინი კალაძეს არჩევნებში გამარჯვებას უსურვებენ.
მისი თქმით, მისთვის მთავარი ადამიანური ურთიერთობებია.
„ძალიან ემოციურია ეს ვიდეო ჩემთვის, რადგან აქ არიან ადამიანები, რომლებთან ერთადაც ძალიან დიდ წარმატებას მივაღწიე სპორტულ კარიერაში. ამ ბიჭებთან დღესაც ვმეგობრობ და ჩემთვის ყველაზე მთავარი ის ადამიანური ურთიერთობებია, რომელიც დღესაც რჩება. როდესაც მილანში, იტალიაში ჩავდივარ, როგორც საკუთარ სახლში ისე ვგრძნობ თავს. არასდროს გამიწყვეტია კომუნიკაცია ბიჭებთან. მადლობის მეტი არაფერი მეთქმის, ეს სიურპრიზი იყო ჩემთვის და იმედებს გავუმართლებ მათაც“, – განაცხადა კახა კალაძემ.