“დღეს გარდამტეხი პერიოდია ჩვენი ცხოვრების, ჩემს ცხოვრებაში მაგალითად, ასეთი პერიოდი იყო ზვიად გამსახურდიას დროს, შემდეგ არ ყოფილა, მე ასე, მგონია,მაშინ გამოვგლიჯეთ ჩვენი ქვეყანა მტრებს და დღესაც იგივე უნდა გავაკეთოთ”,- ამის შესახებ პაატა ბურჭულაძემ განაცხადა.
ის მოსახლეობას მიმართავს, რომ დღეს, ჩვენი ქვეყანა გადასარჩენია და ყველანი არჩევნების მეორე ტურზე უნდა მივიდეთ.
“კალმით უნდა დავიცვათ ჩვენი ქვეყანა”,- ამბობს პაატა ბურჭულაძე.
მან მიხეილ სააკაშვილის დაკავების შესახებაც ისაუბრა და აღნიშნა, რომ “მიხეილ სააკაშვილი დღეს არის გმირი”.
“ველოდი მის ჩამოსვლას, იმიტომ რომ მიშა არის პირველ რიგში დიდი პოლიტიკოსი, ჩვენი საუკუნის ერთ-ერთი დიდი პოლიტიკოსი და დიდ ქვეყნებს შეშურდებათ ამისი. რატომ იყო, რომ გამოვარდა “ოცნება” და დაიწყეს არ ჩამოსულაო, ვერ წარმოუდგენიათ, იმიტომ რომ თვითონ არცერთი წევრი არ ჰყავთ ასეთი, ერთი ადამიანი დამისახელეთ ვინც გადადგამდა ამ ნაბიჯს… ამიტომ ვერ დაიჯერეს ეს, სულ სხვა ყაიდის ჩამოსხმის და აზროვნების ხალხია. რა გააკეთეს სახელმწიფოებრივად ისეთი რომ კარგი გაუკეთეს სახელმწიფოს, – განაცხადა ბურჭულაძემ “მთავარი არხის” ეთერში.