მიმაჩნია, რომ საწყისი პოზიცია არის სწორი, მერე ვნახოთ, მუშაობაში გამოჩნდება, ვინ როგორ გაართმევს თავს მოვალეობას, – ამის შესახებ გუგული მაღრაძემ „რეპორტიორის” პრესკლუბში განაცხადა.
„ქართული ოცნების” წევრის თქმით, მთავარი იყო, რომ კანდიდატურა საკუთარი პროფესიით შესაბამისი ყოფილიყო კომიტეტის საქმიანობასთან.
„კომიტეტები არის ის მთავარი ადგილი, სადაც ფაქტობრივად საკანონმდებლო საქმიანობა მიმდინარეობს. ამიტომ დიდი მნიშვნელობა აქვს იმას, რომ კომიტეტში იყვნენ ადამიანები, რომლებმაც იციან საკითხი, იცნობენ სფეროს. ვინაიდან პარლამენტის მიერ მიღებული კანონი უშუალო გავლენას ახდენს, როგორ მიდის ქვეყანაში პროცესები.
ყველას არ ექნება 10 და 15-წლიანი გამოცდილება. მოგეხსენებათ, ჩვენი პარლამენტი საგრძნობლად გაახალგაზრდავდა, მიუხედავად ამისა, ყველა ეს ადამიანი, ვინ თანამდებობაზე იქნა შერჩეული, მაინც იმ სფეროს წარმომადგენელია. მიმაჩნია, რომ საწყისი პოზიცია არის სწორი, მერე ვნახოთ, მუშაობაში გამოჩნდება, ვინ როგორ გაართმევს თავს მოვალეობას”, – განაცხადა მაღრაძემ „რეპორტიორის” პრესკლუბში.