პოლიტიკოსი ელენე ხოშტარია, რომელიც უკვე მეექვსე დღეა შიმშილობს, სოციალურ ქსელში საკუთარი ჯანმრთელობის მდგომარეობის შესახებ წერს და აღნიშნავს, რომ თავს აბსოლუტურად ნორმალურად გრძნობს.
“მეგობრებო მინდა გაგიზიაროთ ინფორმაცია ჩემი ჯანმრთელობის შესახებ.
ნიუსებში ფრაზა “სასიცოცხლო პარამეტრები დაბალ ზღვარზეა” საშინლად ჟღერს და არ მინდა ინერვიულოთ.
თავს ვგრძნობ აბსოლუტურად ნორმალურად, ცხადია სისუსტე შემომემატა. ყველა გულის წასვლის ეპიზოდი უკავშირდებოდა სკამიდან ჩქარა ადგომას. ნელა როცა ვდგები გადასარევად ვარ.
ანალიზებმა აჩვენა რამდენიმე ცვლილება, რაც უკავშირდება თირკმელს და რაღაც ნევროლოგიურს. ეს პარამეტრები დაბალ ზღვარზეა. ამიტომ ჩემი ნდობით აღჭურვილი ექიმთან Vakhtang Kaloiani / ვახტანგ კალოიანი (ოქრო და ბრილიანტი) კონსულტაციის შედეგად მივიღეთ გადაწყბეტილება გადასხმასთან დაკავშირებით. ვისხამ
მხოლოდ იმას და მხოლოდ იმდენს, რაც ამარიდებს სიცოცხლისთვის საშიშ გართულებას და არა იმას რაც კომფორტს შემიქმნის.
გთხოვთ, არ ინერვიულოთ, სიცოცხლის პარამეტრებს ვაკონტროლებთ.
განწყობა მაქვს აბსოლუტურად მშვიდი და მტკიცე. როგორც ვთქვი ვიბრძოლებ ბოლომდე.
გადაიყვანეთ სააკაშვილი კლინიკაში,”– წერს ელენე ხოშტარია.