სტრასბურგის სასამართლოს გუშინდელ გადაწყვეტილებას და ამ გადაწყვეტილებასთან დაკავშირებულ აზრთა სხვადასხვაობას ეხმაურება სოციალურ ქსელში ანალიტიკოსი ამირან სალუქვაძე.
სალუქვაძე, საკუთარი მოსაზრების დასადასტურებლად, ჟურნალ „ტაბულას“ დამფუძნებლის, თამარ ჩერგოლეიშვილის შეფასებასაც იმოწმებს და წერს:
„გვარამიამ ბევრი იბოდიალა, მაგრამ ჩერგოლეიშვილმა ბოლო ლურსმანი ჩააჭედა:
1. შიმშილობას სტრასბურგი არ ადგენს. ყველას მოუწოდებს შეწყვეტისკენ. ეს ისეც უნდა მიხვდე. რა იცის სტრასბურგმა, შიმშილობს, მარხულობს თუ სიაფანდობს? გვარამიამ ფან-კლუბი დააბოლა, შიმშილობა აღიარესო.
2. სახელმწიფოს მოსთხოვა ინფორმაცია მის მდგომარეობასა და უსაფრთხოებაზე 24 ნოემბრამდე. კიდევ კარგი “23-მდე” არ დაწერეს, თორემ მიაბამდნენ “ვარდების რევოლუციას”.
3. სათანადო სამედიცინო დახმარება გაუწიეთ ციხეშიო.“
ანალიტიკოსი ამბობს, რომ მიხეილ სააკაშვილის ადვოკატები საზოგადოებას ატყუებენ, თუმცა არ იცის, მოახერხებენ თუ არა ისინი, თავად სააკაშვილის მოტყუებას.
„რატომ ჰქონოდათ მოლოდინი, რომ სტრასბურგი მიუთითებდა სახელმწიფოს რომელ კლინიკაში გადაიყვანდა, ან პასუხისმგებლობას აიღებდა მის ჯანმრთელობაზე და უსაფრთხოებაზე, იმის მითითებით, რომ ციხიდან უნდა გაეყვანა, თუ შიგნით ემკურნალა?
გუშინ დააბოლეს საკუთარი მრევლი, მოვიგეთო. ჰოდა, ახლა რომ შეუტანთ სააკაშვილს, მას როგორ დააბოლებთ, ისაა საინტერესო. ტყუილად გაჭმევთ პურსო, ხომ გეტყვით?! ისე, პურის ჭამას რაც შეეხება. ეს ერთი და იგივე ადვოკატები რომ იცავთ მთელ ნაციონალურ მოძრაობას, ანაზღაურებას იღებთ, ბაჟს იხდით?“ – წერს ამირან სალუქვაძე.